ഭൂമിയില്‍ മനുഷ്യന്‍റെ ദുഷ്ടത കണ്ട് വേദനിച്ച ദൈവം ജലപ്രളയത്തിലൂടെ ഭൂമുഖത്തെ നശിപ്പിക്കുകയും നീതിമാനായ നോഹയിലൂടെ പുതിയൊരു തലമുറക്കു രൂപം കൊടുക്കുകയും ചെയ്യുന്ന രംഗമാണ് ഈ പാഠത്തിലെ പ്രതിപാദ്യവിഷയം. പാപത്തിന് അടിപ്പെട്ടാല്‍ ശിക്ഷയും ദൈവത്തിന് പ്രീതികരമായി ജീവിച്ചാല്‍ രക്ഷയും ലഭിക്കും എന്ന സന്ദേശം കുട്ടികളുടെ മനസില്‍ പതിയുന്ന രീതിയില്‍ പാഠഭാഗം അവതരിപ്പിക്കുവാന്‍ അദ്ധ്യാപകര്‍ ശ്രദ്ധിക്കണം.